"ഉമർ ﵁ വിന് ഖൈബറിൽ ഒരു ഭൂമി ലഭിച്ചു. അതിൽ എന്തുചെയ്യണം എന്ന് നബി ﷺ യോട് ഉപദേശം തേടാനായി (അന്വേഷിക്കാനായി) അദ്ദേഹം അടുത്തു ചെന്നു. അദ്ദേഹം പറഞ്ഞു: 'അല്ലാഹുവിന്‍റെ റസൂലേ, ഖൈബറിൽ എനിക്കൊരു ഭൂമി ലഭിച്ചിട്ടുണ്ട്. എനിക്ക് ലഭിച്ചതിൽ വെച്ച് അതിനേക്കാള്‍ ഏറ്റവും വിലപിടിപ്പുള്ള (വിശിഷ്ടമായ) ഒരു സമ്പത്ത് എനിക്കിതുവരെ ലഭിച്ചിട്ടില്ല. അതുകൊണ്ട് ഇതിന്‍റെ കാര്യത്തിൽ താങ്കൾ എനിക്ക് എന്താണ് കല്പിക്കുന്നത് (നിർദ്ദേശിക്കുന്നത്)?' നബി ﷺ പറഞ്ഞു: 'താങ്കൾ ഉദ്ദേശിക്കുന്നുവെങ്കിൽ അതിന്‍റെ മൂലധനം (ഭൂമി) വഖ്‌ഫ് ചെയ്യുകയും അതിൽ നിന്നുള്ള വരുമാനം ദാനം ചെയ്യുകയും ചെയ്യുക.' അങ്ങനെ ഉമർ ﵁ അത് ദാനം ചെയ്തു. അതിന്‍റെ മൂലധനം (ഭൂമി) വിൽക്കാനോ, ദാനമായി നൽകാനോ, അനന്തരാവകാശമായി നൽകാനോ പാടില്ല എന്ന വ്യവസ്ഥയിൽ. ഉമർ ﵁ അത് ദരിദ്രർക്കും, കുടുംബങ്ങൾക്കും, അടിമമോചനത്തിനും, അല്ലാഹുവിന്‍റെ മാർഗത്തിലും, യാത്രക്കാർക്കും, അതിഥികൾക്കുമായി നിശ്ചയിച്ചു. അതിന്‍റെ മേൽനോട്ടം വഹിക്കുന്ന ആൾ അതിൽ നിന്ന് ന്യായമായ രീതിയിൽ (ഭക്ഷണം) കഴിക്കുന്നതിലോ, തന്‍റെ സുഹൃത്തിന് ഭക്ഷിപ്പിക്കുന്നതിലോ തെറ്റില്ല; എന്നാൽ അതിൽ നിന്ന് സ്വയം സമ്പാദിച്ചുണ്ടാക്കുന്നവനാകാൻ പാടില്ല."