"പുണ്യം (നന്മ) എന്നാൽ സൽസ്വഭാവമാകുന്നു. പാപം എന്നാൽ നിന്റെ മനസ്സിനെ അസ്വസ്ഥപ്പെടുത്തുന്നതും (ആലോസരപ്പെടുത്തുന്നതും), ജനങ്ങൾ അത് അറിയുന്നത് നീ വെറുക്കുകയും ചെയ്യുന്ന കാര്യവുമാണ്."

(മുസ്‌ലിം റിപ്പോർട്ട് ചെയ്തത്)

വാബിസ ഇബ്നു മഅ്ബദ് ﵁ വിൽ നിന്ന് നിവേദനം: അദ്ദേഹം പറഞ്ഞു:

ഞാൻ അല്ലാഹുവിന്റെ റസൂൽ ﷺ യുടെ അടുത്തു ചെന്നു. അപ്പോൾ അദ്ദേഹം ചോദിച്ചു:

"നീ പുണ്യത്തെയും പാപത്തെയും കുറിച്ച് ചോദിക്കാനാണോ വന്നത്?"

ഞാൻ പറഞ്ഞു: "അതെ". അപ്പോൾ അദ്ദേഹം പറഞ്ഞു:

"നീ നിന്റെ ഹൃദയത്തോട് വിധി തേടുക. ആത്മാവിന് സമാധാനവും ഹൃദയത്തിന് ശാന്തിയുമേകുന്നതാണ് പുണ്യം. എന്നാൽ പാപം എന്നത് നിന്റെ ഉള്ളിൽ ഖേദമുണ്ടാക്കുന്നതും നെഞ്ചിൽ സംശയമായി അവശേഷിക്കുന്നതുമാണ്; ജനങ്ങൾ നിനക്ക് (അത് ചെയ്യാമെന്ന്) വിധി നൽകിയാലും ശരി."

(ഇമാം അഹ്മദും ദാരിമിയും ഹസനായ പരമ്പരയോടെ റിപ്പോർട്ട് ചെയ്തത്)