കഅ്ബ് ബ്നു ഉജ്റ എന്നെ കണ്ടുമുട്ടിയപ്പോൾ പറഞ്ഞു: "ഞാൻ താങ്കൾക്ക് ഒരു പാരിതോഷികം (സമ്മാനം) തരട്ടെയോ? തീർച്ചയായും, നബി ﷺ ഞങ്ങളുടെ അടുത്തേക്ക് വന്നു. അപ്പോൾ ഞങ്ങൾ ചോദിച്ചു: 'അല്ലാഹുവിൻ്റെ റസൂലേ, അങ്ങേക്ക് ഞങ്ങൾ എങ്ങനെയാണ് സലാം പറയേണ്ടതെന്ന് അല്ലാഹു ഞങ്ങൾക്ക് പഠിപ്പിച്ചു തന്നിട്ടുണ്ട്. എന്നാൽ, ഞങ്ങൾ അങ്ങേക്ക് എങ്ങനെയാണ് സ്വലാത്ത് ചൊല്ലേണ്ടത്?' അപ്പോൾ അവിടുന്ന് പറഞ്ഞു: നിങ്ങൾ ഇങ്ങനെ പറയുക:

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إبْرَاهِيمَ إنَّكَ حَمِيدٌ مَجِيدٌ، وَبَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إبْرَاهِيمَ إنَّكَ حَمِيدٌ مَجِيدٌ

അര്‍ഥം: 'അല്ലാഹുവേ, ഇബ്റാഹീമിന് നീ നന്മ ചെയ്തതുപോലെ മുഹമ്മദിനും മുഹമ്മദിൻ്റെ കുടുംബത്തിനും നീ നന്മ ചെയ്യേണമേ. നിശ്ചയം, നീ സ്തുത്യർഹനും മഹത്വമുള്ളവനുമാകുന്നു. ഇബ്റാഹീമിന് നീ ബറക്കത്ത് (അനുഗ്രഹം) നൽകിയതുപോലെ മുഹമ്മദിനും മുഹമ്മദിൻ്റെ കുടുംബത്തിനും നീ ബറക്കത്ത് നൽകേണമേ. നിശ്ചയം, നീ സ്തുത്യർഹനും മഹത്വമുള്ളവനുമാകുന്നു.