"ബലിപെരുന്നാൾ ദിവസം, നമസ്കാരത്തിന് ശേഷം നബി ﷺ ഞങ്ങള്‍ക്ക് ഖുത്ബ നിർവ്വഹിച്ചു. എന്നിട്ട് അവിടുന്ന് പറഞ്ഞു: 'ആരെങ്കിലും നമ്മുടെ നമസ്കാരം നിർവ്വഹിക്കുകയും നമ്മുടെ ബലി (നുസുക്ക്) അറുക്കുകയും ചെയ്താൽ, അവൻ ബലി കൃത്യമായി നിർവ്വഹിച്ചു. ആരെങ്കിലും നമസ്കാരത്തിന് മുമ്പ് ബലി നടത്തിയാൽ, അവന് ബലിയില്ല.' അപ്പോൾ, അൽബറാഅ് ബ്നു ആസിബിൻ്റെ അമ്മാവനായ അബൂ ബുർദഃ ബ്നു നിയാർ ﵁ ചോദിച്ചു: 'അല്ലാഹുവിൻ്റെ ദൂതരേ, ഞാൻ നമസ്കാരത്തിന് മുമ്പ് എൻ്റെ ആടിനെ അറുത്തു. ഇന്ന് ഭക്ഷിക്കുകയും പാനം ചെയ്യുകയും ചെയ്യേണ്ട ദിവസമാണെന്ന് എനിക്കറിയാമായിരുന്നു. എൻ്റെ വീട്ടിൽ ആദ്യം അറുക്കപ്പെടുന്നത് എൻ്റെ ആടായിരിക്കാൻ ഞാൻ ആഗ്രഹിച്ചു. അതിനാൽ, ഞാൻ എൻ്റെ ആടിനെ അറുത്ത്, നമസ്കാരത്തിന് വരുന്നതിന് മുമ്പ് പ്രാതല്‍ ഭക്ഷിച്ചു.' അപ്പോൾ നബി ﷺ പറഞ്ഞു: 'നിൻ്റെ ആട് വെറും മാംസത്തിനുള്ള ആടാണ് (ബലിയായി പരിഗണിക്കുകയില്ല).' അദ്ദേഹം (അബൂ ബുർദഃ) ചോദിച്ചു: 'അല്ലാഹുവിൻ്റെ ദൂതരേ, ഞങ്ങളുടെ അടുക്കൽ ഒരു വയസ്സ് തികയാത്ത ഒരു പെണ്ണാട് (عِنَاق) ഉണ്ട്. അത് എനിക്ക് രണ്ട് ആടുകളേക്കാൾ പ്രിയപ്പെട്ടതാണ്. അത് എനിക്ക് മതിയാകുമോ (ബലിയായി സ്വീകരിക്കുമോ)?' അവിടുന്ന് പറഞ്ഞു: 'അതെ, നിനക്കത് മതിയാകും, എന്നാൽ നിനക്ക് ശേഷം മറ്റൊരാൾക്കും അത് മതിയാകുകയില്ല.' "