"റസൂല്‍ ﷺ യുടെ കാലത്ത് സൂര്യഗ്രഹണം ഉണ്ടായി. അപ്പോൾ റസൂല്‍ ﷺ ഭയചകിതനായി എഴുന്നേറ്റു, (ആ സംഭവം) അന്ത്യദിനമായിരിക്കുമോ എന്ന് റസൂല്‍ ﷺ ഭയന്നു. അങ്ങനെ അവിടുന്ന് പള്ളിയിൽ എത്തി (നമസ്കാരത്തിനായി) നിന്നു. റസൂല്‍ ﷺ യുടെ നമസ്‌കാരത്തിൽ അതിനുമുമ്പ് ഞാന്‍ ഒരിക്കലും കണ്ടിട്ടില്ലാത്ത വിധം ഏറ്റവും നീണ്ട നിര്‍ത്തവും സുജൂദും ചെയ്തുകൊണ്ട് അവിടുന്ന് നമസ്‌കരിച്ചു. ശേഷം റസൂല്‍ ﷺ പറഞ്ഞു: 'നിശ്ചയം അല്ലാഹു അയക്കുന്ന ഈ ദൃഷ്ടാന്തങ്ങൾ ഒരാളുടെയും മരണം കാരണമായോ ജീവിതം കാരണമായോ ഉണ്ടാകുന്നവയല്ല. എന്നാൽ അല്ലാഹു തന്‍റെ അടിമകളെ ഭയപ്പെടുത്താൻ വേണ്ടിയാണ് ഇവ അയക്കുന്നത്. അതിനാൽ, നിങ്ങൾ അതിൽ നിന്ന് എന്തെങ്കിലും കണ്ടാൽ, നിങ്ങൾ അല്ലാഹുവിന്‍റെ ദിക്‌റിലേക്കും, പ്രാർത്ഥനയിലേക്കും, പാപമോചനത്തിലേക്കും അഭയം തേടുക.'"