ദാത്തുർരിഖാഅ് യുദ്ധവേളയിൽ അല്ലാഹുവിൻ്റെ റസൂൽ ﷺ യോടൊപ്പം ഭയവേളയിലെ നമസ്‌കാരം (സ്വലാത്തുൽ ഖൗഫ്) നിർവഹിച്ച ഒരാൾ ഇപ്രകാരം അറിയിച്ചു: "ഒരു വിഭാഗം നബി ﷺ യോടൊപ്പം അണിനിരന്നു, മറ്റൊരു വിഭാഗം ശത്രുവിനെ അഭിമുഖീകരിച്ച് നിന്നു. തന്നോടൊപ്പമുള്ളവരുമായി നബി ﷺ ഒരു റക്അത്ത് നമസ്‌കരിച്ചു, ശേഷം നബി ﷺ നില്‍ക്കുകയും നില്‍ക്കുന്ന അവസ്ഥയില്‍ തുടരുകയും ചെയ്തു. അപ്പോൾ അവർ തനിയെ (ബാക്കി ഒരു റക്അത്ത് കൂടി നമസ്‌കരിച്ച്) പൂർത്തിയാക്കി അവിടെനിന്നും തിരിഞ്ഞുപോയി ശത്രുവിനെ അഭിമുഖീകരിച്ച് അണിനിരന്നു. തുടർന്ന് മറ്റേ വിഭാഗം വരികയും, തനിക്ക് ബാക്കിയുള്ള ഒരു റക്അത്ത് നബി ﷺ അവർക്കൊപ്പം നമസ്‌കരിക്കുകയും ചെയ്തു. ശേഷം നബി ﷺ ഇരുന്നു. നബി ﷺ ഇരിക്കുന്ന അവസ്ഥയില്‍ തുടര്‍ന്നു, അപ്പോൾ അവർ തനിയെ (ബാക്കി ഒരു റക്അത്ത്) പൂർത്തിയാക്കി, തുടർന്ന് നബി ﷺ അവർക്കൊപ്പം സലാം വീട്ടി."