"അല്ലാഹുവിന്‍റെ റസൂൽ ﷺ റമദാനിലെ നടുവിലെ പത്ത് ദിവസങ്ങളിൽ (രണ്ടാം പത്ത്) ഇഅ്തികാഫ് ഇരിക്കാറുണ്ടായിരുന്നു. അങ്ങനെ ഒരു വർഷം റസൂൽ ﷺ ഇഅ്തികാഫ് ഇരുന്നു. തന്‍റെ ഇഅ്തികാഫ് കഴിഞ്ഞ് പുറത്തിറങ്ങേണ്ട ഇരുപത്തിയൊന്നാം രാവായപ്പോൾ റസൂൽ ﷺ പറഞ്ഞു: 'ആരെങ്കിലും എന്‍റെ കൂടെ ഇഅ്തികാഫ് ഇരുന്നിട്ടുണ്ടെങ്കിൽ അവർ അവസാനത്തെ പത്തിലും ഇഅ്തികാഫ് ഇരിക്കട്ടെ. തീർച്ചയായും ആ രാത്രി (ലൈലത്തുൽ ഖദ്ർ) എനിക്ക് കാണിച്ചുതരപ്പെട്ടു, പിന്നീട് ഞാനത് മറപ്പിക്കപ്പെട്ടു. അതിന്‍റെ പിറ്റേന്ന് രാവിലെ വെള്ളത്തിലും മണ്ണിലും ഞാൻ സുജൂദ് ചെയ്യുന്നത് ഞാൻ സ്വപ്നത്തിൽ കണ്ടു. അതിനാൽ നിങ്ങൾ അവസാനത്തെ പത്തിൽ അതിനെ (ലൈലത്തുൽ ഖദ്റിനെ) അന്വേഷിക്കുക. എല്ലാ ഒറ്റപ്പെട്ട രാത്രികളിലും അതിനെ അന്വേഷിക്കുക.' അന്ന് രാത്രി മഴ പെയ്തു. പള്ളി ഈന്തപ്പനയോല കൊണ്ട് മേഞ്ഞതായിരുന്നു. അതിനാൽ പള്ളി ഒലിക്കാൻ തുടങ്ങി. ഇരുപത്തിയൊന്നാം ദിവസത്തെ സുബ്ഹി നമസ്കാരത്തിന് ശേഷം റസൂൽ ﷺ യുടെ നെറ്റിത്തടത്തിൽ വെള്ളത്തിന്‍റെയും മണ്ണിന്‍റെയും അടയാളം എന്‍റെ രണ്ട് കണ്ണുകൾ കൊണ്ട് ഞാൻ കാണുകയുണ്ടായി."