നബി ﷺ ജനാബത്ത് കുളിക്കുമ്പോള്‍ തന്‍റെ ഇരു കൈകളും കഴുകുകയും നമസ്കാരത്തിന് വുദൂഅ' ചെയ്യുന്നത് പോലെ വുദൂഅ' ചെയ്യുകയും പിന്നെ കുളിക്കുകയും ചെയ്യുമായിരുന്നു. തന്‍റെ ഇരു കൈകള്‍ കൊണ്ടും തലമുടികള്‍ക്കിടയിലൂടെ തടവുകയും (ചീകുകയും) ചെയ്യുമായിരുന്നു. നബി ﷺ തന്‍റെ തൊലിയില്‍ വെള്ളം നനച്ചു എന്ന് തോന്നുന്നത് വരെ അങ്ങനെ ചെയ്യും. ശേഷം മൂന്ന് തവണ ശരീരത്തില്‍ വെള്ളം ഒഴിക്കുകയും പിന്നെ ശരീരത്തിന്‍റെ എല്ലാ ഭാഗങ്ങളും കഴുകുകയും ചെയ്യുമായിരുന്നു. 

അഇശ ﵂ പറയാറുണ്ടായിരുന്നു: ഞാനും അല്ലാഹുവിന്റെ റസൂലൂം ﷺ ഒരു പാത്രത്തില്‍ കുളിക്കാറുണ്ടായിരുന്നു. ഞങ്ങള്‍ രണ്ടുപേരും ഒരുമിച്ച് ആ പാത്രത്തില്‍നിന്ന് വെള്ളം കോരി എടുക്കാറുണ്ടായിരുന്നു.