അബ്ദുറഹ്മാനു ബ്നു സമുറ ﵁ നിവേദനം ചെയ്യുന്നു: അല്ലാഹുവിന്‍റെ റസൂൽ ﷺ പറഞ്ഞു:
"ഓ അബ്ദുറഹ്മാൻ ബിൻ സമുറ, നീ അധികാരം ആവശ്യപ്പെടരുത്. കാരണം, നീ ചോദിച്ചു വാങ്ങുന്നതിലൂടെയാണ് അത് നൽകപ്പെടുന്നതെങ്കിൽ, അതിന്‍റെ പൂർണ്ണ ഉത്തരവാദിത്തം നിന്നിലേക്ക് തന്നെ ഭാരമേൽപ്പിക്കപ്പെടും. എന്നാൽ, ചോദിക്കാതെയാണ് നിനക്കത് നൽകപ്പെടുന്നതെങ്കിൽ, അതിൽ നിനക്ക് (അല്ലാഹുവിന്‍റെ) സഹായം ലഭിക്കപ്പെടും. നീ ഏതെങ്കിലും ഒരു കാര്യത്തിൽ സത്യം ചെയ്യുകയും, പിന്നീട് അതിനേക്കാൾ ഉത്തമമായ മറ്റൊന്ന് കാണുകയും ചെയ്താൽ, നിന്‍റെ സത്യത്തിന് പ്രായശ്ചിത്തം നൽകുകയും നന്മയായത് പ്രവർത്തിക്കുകയും ചെയ്യുക."
عَنْ عَبْدِ الرَّحْمَنِ بْنِ سَمُرَةَ ﵁ قَالَ: قَالَ رَسُولُ اللَّهِ ﷺ: «يَا عَبْدَ الرَّحْمَنِ بْنَ سَمُرَةَ! لَا تَسْأَلِ الإِمَارَةَ؛ فَإِنَّكَ إِنْ أُعْطِيتَهَا عَنْ مَسْأَلَةٍ وُكِلْتَ إِلَيْهَا، وَإِنْ أُعْطِيتَهَا عَنْ غَيْرِ مَسْأَلَةٍ أُعِنْتَ عَلَيْهَا، وَإِذَا حَلَفْتَ عَلَى يَمِينٍ فَرَأَيْتَ غَيْرَهَا خَيْرًا مِنْهَا؛ فَكَفِّرْ عَنْ يَمِينِكَ وَائْتِ الَّذِي هُوَ خَيْرٌ» .