ഉമ്മു സലമ ﵂ നിവേദനം ചെയ്യുന്നു:
അല്ലാഹുവിന്‍റെ റസൂൽ ﷺ യുടെ വീടിന്‍റെ വാതിലിനു പുറത്തുനിന്ന് തർക്കിക്കുന്നവരുടെ ശബ്ദകോലാഹലം കേൾക്കുകയുണ്ടായി. അപ്പോൾ അവിടുന്ന് അവരുടെ അടുത്തേക്ക് പുറത്തുവന്ന് പറഞ്ഞു: "അറിയുക, ഞാൻ ഒരു മനുഷ്യൻ മാത്രമാണ്. തീർച്ചയായും വഴക്കിടുന്നവർ എന്‍റെ അടുക്കൽ വിചാരണക്ക് വരാറുണ്ട്. നിങ്ങളിൽ ചിലർ മറ്റു ചിലരേക്കാൾ സംസാരിക്കാൻ കഴിവുള്ളവരായേക്കാം (വാഗ്സാമർത്ഥ്യമുള്ളവർ). അപ്പോൾ അദ്ദേഹം പറയുന്നതാണ് സത്യമെന്ന് കരുതി ഞാൻ അദ്ദേഹത്തിന് അനുകൂലമായി വിധി കൽപ്പിച്ചേക്കാം. അങ്ങനെ (അവന്‍റെ വാക്കുകൾ കാരണം) ഏതെങ്കിലും ഒരു മുസ്‌ലിമിന്‍റെ അവകാശം ഞാൻ അവൻ അർഹിക്കുന്നതാണെന്ന് വിധിച്ച് നൽകിയാൽ, അത് നരകത്തിൽ നിന്നുള്ള ഒരു കഷണം മാത്രമാണ്; അതിനാൽ അവൻ അത് ചുമക്കുകയോ അല്ലെങ്കിൽ അത് ഉപേക്ഷിക്കുകയോ ചെയ്യട്ടെ."
عَنْ أُمِّ سَلَمَةَ ﵂: «أَنَّ رَسُولَ اللَّهِ ﷺ سَمِعَ جَلَبَةَ خَصْمٍ بِبَابِ حُجْرَتِهِ، فَخَرَجَ إِلَيْهِمْ فَقَالَ: أَلَا إِنَّمَا أَنَا بَشَرٌ، وَإِنَّمَا يَأْتِينِي الخَصْمُ، فَلَعَلَّ بَعْضَكُمْ أَنْ يَكُونَ أَبْلَغَ مِنْ بَعْضٍ؛ فَأَحْسِبُ أَنَّهُ صَادِقٌ، فَأَقْضِي لَهُ! فَمَنْ قَضَيْتُ لَهُ بِحَقِّ مُسْلِمٍ، فَإِنَّمَا هِيَ قِطْعَةٌ مِنْ نَارٍ ، فَلْيَحْمِلْهَا أَوْ يَذَرْهَا » .