റസൂല്‍ ﷺ യുടെ കൂടെ ദുഹ്റിന്‍റെ മുമ്പ് രണ്ട് റക്അത്തും അതിന് ശേഷം രണ്ട് റക്അത്തും ജുമുഅക്ക് ശേഷം രണ്ട് റക്അത്തും മഗ്'രിബിന് ശേഷം രണ്ട് റക്അത്തും ഇശാഇന് ശേഷം രണ്ട് രകഅത്തും ഞാന്‍ നമസ്കരിച്ചു.

മറ്റൊറു റിപ്പോര്‍ട്ടില്‍ ഇങ്ങനെ കാണാം: എന്നാല്‍ മഗ്'രിബ്, ഇശാഅ', ജുമുഅ (എന്നിവയുടെ സുന്നത്ത്) റസൂല്‍ ﷺ യുടെ വീട്ടില്‍ വെച്ചും (നിര്‍വ്വഹിച്ചു).

മറ്റൊരു റിപ്പോര്‍ട്ടില്‍ ഇങ്ങനെ വന്നിട്ടുണ്ട്: നിശ്ചയം ഇബ്നു ഉമര്‍ ﵄ പറഞ്ഞു: നിശ്ചയം (ഫജ്ര്‍) പ്രഭാതം ഉദിച്ചതിന് ശേഷം നബി ﷺ ലഘുവായ രണ്ട് സുജൂദുകള്‍ (റക്അത്തുകള്‍) നിമസ്കരിക്കുമായുരുന്നു. ഞാന്‍ റസൂല്‍ ﷺ യുടെ അടുക്കലേക്ക് പ്രവേശിക്കാതിരുന്ന സമയമായിരുന്നു അത്.